"جەواد عەدرا"، سەرۆکی دامەزراوەی هەواڵگری نێودەوڵەتی لوبنان ڕایگەیاند: لە دوو ساڵی ڕابردوودا 107 هەزار و 372 هاووڵاتیی لوبنانی ئەم وڵاتەیان بەجێهێشتووە و لەوانەیە تا کۆتایی ئەمساڵ ژمارەیان 130 هەزار کەس تێپەڕێنێت. ئەم شەپۆلە نوێیەی کۆچکردن لەو قەیرانە ئابوری و کۆمەڵایەتییە بێوێنەیە سەرچاوە دەگرێت کە لوبنان لە ساڵی ٢٠١٥ەوە پێیدا تێدەپەڕێت، کۆچکردنێکی بێ بەرهەمە، چونکە بەشێکی زۆری کۆچبەران بەدوای هاووڵاتیبوونی دووەمدا دەگەڕێن و لە وڵاتێکی دیكە نیشتەجێ بن، ئەمەش لوبنان بێبەش دەکات لە هەبوونی ستاف و توانا لە چەند بوارێکی گرنگدا.

بەرپرسێکی لوبنانی لەو بارەیەوە ڕایگەیاند: ئەو کەسانەی لە دوو ساڵی ڕابردوودا گەشتیان کردووە بریتین لە گروپی تەمەنی ٣٠ بۆ ٥٠ ساڵ، کە بڕوانامەی خوێندنی بەرزیان هەیە و ئەزموونی باشیان هەیە. ئەم کەسانە جارێکی دیکە ناگەڕێنەوە بۆ لوبنان، چونکە زۆربەیان لەوان بیر لە نیشتەجێبوون لەو وڵاتانە دەکەنەوە کە کۆچیان بۆی کردووە.

 

 

 

گوڵان: سەردارخەلیل