لە نیپاڵ، فڕۆکەیەک کە ١٩ کەسی تێدابوو، پێش بەرزبوونەوەی لە ڕێڕەوی فڕین خلیسکا و ١٨ کەس گیانیان لەدەستدا.

بەگوێرەی ڕۆژنامەی کاتماندۆ پۆست، فڕۆکەکە کە ١٩ کەسی هەڵگرتبوو، لە کاتی بەرزبوونەوەی لە ڕێڕەوی فڕین لە شاری کاتماندۆی پایتەختی نیپاڵ، لەناکاو هەڵخلیسکا و وەرگەڕا.

سوباش جا، وتەبێژی فڕۆکەخانەی نێودەوڵەتی تریبهوان ڕایگەیاند: کە ئەو فڕۆکەیەی باسکراوە هی هێڵی ئاسمانی سائوریایە.

جا هەروەها ڕایگەیاندووە، کە ١٨ سەرنشینی فڕۆکەکە گیانیان لەدەستداوە و فڕۆکەوانەکەش گواستراوەتەوە بۆ نەخۆشخانە.

بە گوتەی شایەتحاڵان، ئەم فڕۆکەیە بەشی باشووری ڕێڕەوی فڕینی بەجێهێشتووە و نوکی بالێکی بەر زەوی کەوتووە و لە پڕ وەرگەڕاوە.

 

 

 

گوڵان: سەردار خەلیل