چەورییە نێوەندەكان هاندەرن بۆ نەخۆشیی دڵ

چەورییە نێوەندەكان هاندەرن بۆ نەخۆشیی دڵ

چەورییە نێوەندەكان Trans fats لە پیشەسازی خۆراكدا دروست دەكرێن بە كرداری هایدرۆجینكردنی تەواو Hydrogenation، یان هایدرۆجینكردنی بەشێكی زەیتی رووەكی Partial hydrogenation. لە نوێترین توێژینەوەدا هاتووە كە كەمكردنەوە، یان دووركەوتنەوە لەو خۆراكانەی كە چەورییە نێوەندەكان لەخۆدەگرن، هەنگاوێكی سادە و كاریگەرە بۆ خۆپاراستن لە نەخۆشیی دڵ، چونكە چەورییە نێوەندەكان هۆكارن بۆ بەرزبوونەوەی ئاستی كۆلیستیرۆڵی خراپ LDL و كەمكردنەوەی ئاستی كۆلیستیرۆڵی باش HDL لە خوێندا، ئەمەش هاندەرە بۆ رەقبوونی خوێنبەرەكان و زیادبوونی ئەگەری تووشبوون بە نەخۆشیی دڵ و جەڵتەی مێشك. لە لایەكی دیكەوە ئەم چەورییانە دەبنە ئەگەری زیادبوونی هەوكردن Inflammation لە لەشدا، كە ئەگەری تووشبوون بە نەخۆشیی دڵ و نەخۆشییە درێژخایەنەكانی تدیكە بەرزدەكاتەوە، هەروەها دەبنە ئەگەری تێكدانی چینی ناوپۆشی بۆڕییەكانی خوێن. سەرچاوە خۆراكییەكانی چەورییە نێوەندەكان وەك: خۆراكە پرۆسێسكراوەكان، كەرەی دەستكرد Margarine، رۆنی رەقی رووەكی (سمنە) Vegetable ghee، گەنمەشامیی ئامادەكراو بە مایكرۆوەیڤ، كێك، فینگەر جیبس، بسكویتەكان و كراكەر Crackers، كریمەری دەستكرد، خۆراكی سووركراوە لە ناو زەیتی زۆر گەرم وەكو كەنتاكی و خۆراكی ...هتد.

Top