پێشمه‌رگه‌ى هه‌ولێر تۆكمه ده‌كرێت
پێشمه‌رگه‌ى هه‌ولێر تۆكمه ده‌كرێت
تیپى تۆپى پێى یانه‌ى پێشمه‌رگه‌ى هه‌ولێر وه‌رزی رابردوو نه‌یتوانى ئه‌نجامه‌كانى وه‌كو پێویست بێ له خولى نایابى یانه‌كانى كوردستان، بۆ ئه‌م مه‌به‌سته‌ش ئیداره‌ى یانه‌كه بڕیارى داوه بۆ وه‌رزی نوێ تاڕاده‌یه‌ك ده‌ستى كراوه بێ له هێنانى یاریزانى به‌توانا و ئه‌ستێره بۆ ئه‌وه‌ى جارێكى تر تیپه‌كه بكه‌نه‌وه یه‌كێك له تیپه به‌هێزه‌كانى كوردستان، له‌م باره‌شه‌وه نیهادعادل سكرتێره‌ى یانه‌ى وه‌رزشیی پێشمه‌رگه‌ى هه‌ولێر بۆ گۆڤاری گوڵان گوتى: بۆ وه‌رزى داهاتوو سه‌میر بابۆ ڕاهێنه‌رى یانه‌كه‌مان به‌رده‌وام ده‌بێت وه‌كو راهێنه‌ری یانه‌كه‌مان، له‌گه‌ڵ ده‌سته‌ى ڕاهێنه‌ران كۆبووینه‌ته‌وه پێمان ڕاگه‌یاندوون ئه‌گه‌ر یاریزانى باشتان پێ دێت ده‌توانن تیپێى باش دروست بكه‌ن و ده‌ست كراوه‌مان كردون، وه ئه‌گه‌ر یاریزانیشتان پێ په‌یدا نه‌بوون ئه‌وكاته تیپێك دروست ده‌كه‌ین له ناوه‌ڕاستى ریزبه‌ندی یانه‌كان بینو بمێنینه‌وه له خولى نایابى كوردستان، گوتیشى" ئامانجى ئێمه له ئێستادا ته‌نیا دروست كردنى تیپێكى تۆكمه‌یه ئه‌گه‌ر كرا بۆ ئه‌وه‌ى پێشمه‌رگه‌ى هه‌ولێر بكه‌ینه‌وه تیپێكى به‌هێز له خولى كوردستان، وه‌كو گرفت هیچ كێشه‌یه‌كی ئه‌وتۆمان نییه، تیپه‌كه‌شمان یه‌كێك له تیپه به‌هێزه‌كانه له سه‌ر ئاستى كوردستان ده‌مانه‌وێ به هه‌مان شێوه تیپه‌كه به‌هێز بكه‌ینه‌وه بۆ ئه‌وه‌ى بتوانین كێبركێ له سه‌ر به‌ده‌ست هێنانى ئه‌نجامى شایسته بكه‌ین.به‌هیواى ئه‌وه‌ین بتوانین تیپێكى به‌هێز دروست بكه‌ین.
كارزان كانه‌بی
