له خولى نایابی عێراقی
له خولى نایابی عێراقی
هه‌ولێر له سامه‌رای برده‌وه
كارزان كانه‌بی
لە میانی یارییەکانی گەڕی٣٥ی خولی نایابی تۆپی پێی یانه‌كانى عێراقی، لەسەر یاریگەی فڕەنسۆ هەریری، یانەى هه‌ولێر میوانداریی یانەی سامەڕای کرد،له‌م یارییه‌شدا یاریزانانى یانه‌ى هه‌ولێر به ئاماده‌بوونى هانده‌رنى یانه‌كه‌یان توانیان ئاستیچكى باش پێشكه‌ش بكه‌ن له یارییه‌كه، له گێمى یه‌كه‌مى یارییه‌كه یانه‌ى سامه‌را گۆلێك تۆماركردو دواتریش مه‌ڕوان حوسێنی هێرشبه‌رى یانه‌ى هه‌ولێر به لێدانى سه‌رى به‌هێز گۆڵى یه‌كسان بوونى كردوه له‌دواى ئه‌م گۆڵه‌ش یاریزانانى هه‌ولێر به‌رده‌وام بوون له‌سه‌ر هێرشه‌كانیان به ئامانجی زیاد كردنى ئه‌نجامى یارییه‌كه و له‌و ناوه‌شدا له لێدانێكى راسته‌وخۆ شوان مامۆ گۆڵى دووه‌م وسىه‌ركه‌وتنى هه‌ولێرى تۆماركرد، هه‌ر چه‌نده له دواى ئه‌م گۆڵه هه‌ردوو یانه هه‌وڵى تۆماركردنی گۆڵیان ده‌دا، به‌ڵام گشت هه‌وڵه‌كانیان بێ سود بوو یارییه‌كه به‌م ئه‌نجامه له‌به‌رژه‌وه‌ندی یانه‌ى هه‌ولێر به كۆتایی هات و كۆی خاڵه‌كانى هه‌ولێربۆ43خاڵ به‌رز بووه.
