برایه‌تى بووه پاڵه‌وانى جامى كوردستان
برایه‌تى بووه پاڵه‌وانى جامى كوردستان
له‌قه‌زاى كۆیه‌ى سه‌ر به پارێزگاى هه‌ولێر به ئاماده‌بوونى ژماره‌یه‌ك له هانده‌رانى وه‌رزشیی له یارى كۆتایی فینالی جامى كوردستان هه‌ردوو یانه‌ى برایه‌تى و نه‌ورۆز رووبه‌ڕووی یه‌كترى بوونه‌وه، له‌م یارییه‌شدا یاریزانانى هه‌ردوو یانه ئاستێكى باشیان پێشكه‌ش كردو چه‌ندین هێرشى یه‌ك له دواى یه‌كیان برده سه‌ر گۆڵى یه‌كترى به ئامانجى تۆماركردنی گۆلێك، به‌ڵام له 90 خوله‌كى یارییه‌كه هیچ یه‌كیان نه‌یانتوانى گۆڵى تۆری ئه‌وه‌ى تر بهه‌ژێنێت، بۆیه دواتر په‌نا برایه به‌ر لێدانى سزاى یه‌ك لاى كه‌ره‌وه بۆ ئه‌وه‌ى ئه‌نجامى یارییه‌ك یه‌ك لاى بكه‌نه‌وه، سه رئه‌نجامیش یانه‌ى برایه‌تى توانى به ئه‌نجامى (4-3)گۆڵ یارییه‌كه‌ى برده‌وه بۆ یه‌كه‌مجار له مێژووى یانه‌كه نازناوى جامى كوردستانیان برده‌وه.دواتریش خه‌ڵات و دیارى به سه‌ر تیپه سه‌ركه‌وتووه‌كان دابه‌شكرا.
كارزان كانه‌بی
