مه‌درید هه‌وڵه‌كانى چڕ ده‌كاته‌وه‌
به‌ پێى هه‌واڵى رۆژنامه‌كانى نزیك له‌ یانه‌ى ریال مه‌دریدی ئیسپانى ئه‌وه‌یان ئاشكرا كردوه‌ كه‌وا جۆنى كالافات به‌رپرسى په‌یوه‌ندییه‌ گشتییه‌كانى یانه‌ى ریال مه‌درید گه‌شتى شارى مۆناكۆى كردوه‌ له‌ ووڵاتى فه‌ره‌نسا بۆ ئه‌وه‌ى گفتوگۆكانى ده‌ست پێ بكات له‌گه‌ڵ یاریزانى هێلى ناوه‌ڕاستى یانه‌ى مۆناكۆ تشوامینى، جگه‌ له‌ وه‌ش جۆنى بڕیاره‌ له‌گه‌ڵ مینۆ رایۆلای به‌رێوه‌به‌رى كاره‌كانى هالاندی یاریزانى نه‌روێژى و یانه‌ى دۆرتمۆند كۆببێته‌وه‌ بۆ به‌ كۆتایی هێنانى كاره‌كانى گواستنه‌وه‌ى ئه‌و یاریزانه‌ بۆ ریزى یانه‌ى ریال مه‌دریدی ئیسپانى، مه‌درید هه‌موو هه‌وڵێك ده‌دات بۆ ئه‌وه‌ى له‌م هاوینه‌ ئه‌م دوو یاریزانه‌ به‌یه‌كه‌وه‌ بگوزاێته‌وه‌ پایته‌ختى ئیسپانیا و درێسى مه‌درید بپۆشن له‌ وه‌رزى نوێ خوڵه‌كانى ئه‌وروپا.
كارزان كانه‌بی