ئەسپرین Aspirin كە بە ترشی ئەسیتیل سالیسیلیك ASA ناسراوە، بەكاردێت بۆ دابەزاندنی تا، كەمكردنەوەی ئازار، كەمكردنەوەی هەوكردن، هەروەها سیفەتی دژەمەیینی هەیە، بۆیە بۆ خۆپاراستن لە نۆرەی دڵ و جەڵتەی مێشك بەكار دەهێنرێت. لەگەڵ هەموو ئەو سوودانەدا، توێژینەوەكان ئاماژە بەمە دەكەن كە بەكارهێنانی ڕۆژانەی ئەسپرین لەوانەیە ئەگەری تووشبوون بە نەخۆشیی دڵ تا ڕێژەی 26% و ئەگەری پەككەوتنی تیژیی دڵ تا ڕێژەی 27% زیاد بكات، هەورەها لەوانەیە كە ئەگەری تووشبوون بە هەوكردنی جگەر تا ڕێژەی 26% زیاد بكات، ئاماژە بەمەش كراوە كە لەگەڵ بەكارهێنانی ئەسپرینی ڕۆژانەدا ئەم ئەگەرانە هێشتا زیاتر دەبن لەم حاڵەتانەی خوارەوەدا: جگەرەكێشان، قەڵەوی، بەرزبوونەوەی پەستانی خوێن، بەرزبوونەوەی ئاستی كۆلستیرۆڵ، نەخۆشیی شەكرە، هەروەها نەخۆشیی كۆئەندامی دڵ و سووڕان، بۆیە پسپۆڕان ڕێنمایی دەكەن كە هەرگیز نابێت لەخۆتەوە ئەسپرین ڕۆژانە بۆ هەر مەبەستێك بەكاربهێنیت.