خواردنەوەی ئاو سوودی تەندروستیی زۆری هەیە، بەمەبەستی ئەوەی كە سوودە تەندروستییەكانی بپێكێت، پسپۆڕان بە شێوەیەكی بەگشتی ڕێنمایی ئەوە دەكەن كە ئاو بە گەدەی بەتاڵ بخورێتەوە، بەڵام لە كاتە گونحاوەكاندا، بۆنموونە: بەیانیان ڕاستەوخۆ پاش لەخەوهەڵسان بە بڕی دوو پەرداخی 250 میللیلیتری پێش ژەمە سەرەكییەكان بە بڕی یەك پەرداخ ئاو بخورێتەوە، پێش و پاش ئەنجامدانی مەشقی وەرزشی و لەكاتی مەشقی وەرزشیدا بە بڕی كەم، پێش وەرگرتنی دووش بەتایبەتی دوشی ئاوی گەرم، لەكاتی زیاد ئارەقەكردن و ماندووبوون و هیلاكیی جەستەیی بە بڕی 1-2 پەرداخ، لەكاتی بەرزبوونەوەی پلەی گەرمیی لەش، پێش نووستن بە بڕی 1-2 پەرداخ خواردنەوەی ئاو سوودی تەندروستیی باشی هەیە. كە ئاو لەكاتی گونجاودا دەخورێتەوە، ئەوا هەنگاوێكی گرنگە بۆ خۆپاراستن لە چەند حاڵەت و نەخۆشییەك وەك: ڕێگرتن لە ئەگەری ئازاری گەدە، سووككردنی نیشانەكانی گرژبوونی كۆڵۆن IBS، خۆپاراستن لە وشكبوون و هەوكردنی دەم، كەمكردنەوەی ئەگەری كۆبوونەوەی گاز لە ڕیخۆڵەدا، كەمكردنەوەی ئەگەری قەبزی، سووككردنی هەستكردن بە ماندووبوون و هیلاكی، كۆنتڕۆڵكردنی پەستانی خوێن، هەروەها خواردنەوەی ئاو پێش نووستن بە ماوەیەكی كورت، گرنگە بۆ كەمكردنەوەی ئەگەری ڕوودانی نۆرەی دڵ و جەڵتەی مێشك.