ئەگەرچی لەكاتی شەپۆلی دووەمی پەتای كۆرۆنادا چەند نیشانەیەك لە كۆئەندامی هەرسدا بوونە بەشێك لە نەخۆشییەكە، بەڵام زانا و پسپۆڕان روونیان كردۆتەوە كە پاش چاكبوونەوەش لە كۆڤید 19، هێشتا لەوانەیە كە چەند نیشانەیەك لە كۆئەندامی هەرسدا سەرهەڵبدەن. گرفت و نیشانەكانی كۆئەندامی هەرس لەوانەیە كە بۆ ماوەی سێ مانگ پاش چاكبوونەوە لە كۆڤید19 بەردەوام بن. گرفتەكانی كۆئەندامی هەرس كاریگەریی نێگەتیڤ دەكەنە سەر ئارەزووی خواردن و پێویستییە خۆراكییەكان، كە زۆر گرنگن بۆ چاكبوونەوەی تەواو لە كۆڤید19. گرنگترن نیشانەكانی كۆئەندامی هەرس پاش چاكبوونەوە لە كۆڤید 19 بریتین لە: گەڕانەوەی ترشەڵۆكی گەدە بۆ بەشی خوارەوەی سوورێنچك لەگەڵ دڵەكزێ، گرفتی جیاواز لە هەرسكردنی خۆراكدا، هێڵنج، سك ئێشە، سكچوون، كۆبوونەوەی گاز لە گەدە و ریخۆڵەدا. رێنماییەكان بۆ سووككردنی گرفتەكانی كۆئەندامی هەرس پاش چاكبوونەوە لە كۆڤید19ئەمانەن: حەسانەوە، خواردنەوەی بڕی باشی ئاو و شلەمەنیی تەندروست، گرنگیدان بە خۆراك، بەتایبەتی دانەوێڵەی تەواو، خۆراكی دەوڵەمەند بە ریشاڵ و پرۆبایۆتیك Probiotics وەك: ماست، لەگەڵ بڕی باشی سەوزە و میوە، هەروەها بەكارهێنانی یاریدەدەری خۆراكیی وەكو ڤیتامینەكانی C، D، B12 و كانزای كالسیۆم.