ریال مه‌درید رۆیشتنى زێدانى راگه‌یاند
ریال مه‌درید رۆیشتنى زێدانى راگه‌یاند
یانه‌ى ریال مه‌دریدی ئیسپانى رۆیشتنى زێنه‌دین زێدانى راهێنه‌رى تیپه‌كه‌ى به ره‌گه‌ز فه‌ره‌نسى راگه‌یاند كه به‌فه‌رمى ده‌ستى له مه‌شقی یانه‌كه كێشاوه‌ته‌وه به‌هۆى ئه‌وه‌ى كه ئه‌م وه‌رزه نه‌یتوانى هیچ نازناوێك له‌گه‌ڵ یانه ئیسپانیه‌كه به‌ده‌ست بهێنێت، بۆیه‌كمجاریشه ریال مه‌درید دواى 11ساڵ نه‌توانى له وه‌رزێك هیچ نازناوێك ده‌سته‌به‌ر بكات، زێدانى راهێنه‌ر ساڵى 2018-2019 جارێكى تر ده‌ستى له مه‌شقی یانه‌ى ریال مه‌درید كێشایه‌وه له شوێنى ئه‌ویش سانتیاگۆ سۆلاری ده‌ست به‌ركار بوو، له وه‌رزى 2019-2020 زێدان له سه‌رپه‌رشتى كردنى مه‌شقی ریال مه‌درید سه‌ركه‌وتوو بوو توانى خولى ئیسپانى و جامى سوپه‌رى ئیسپانى به‌ده‌ست هێنا، ئه‌مسالیش له‌گه‌ڵ ریال مه‌درید له خولى یانه كانى ئه‌وروپا له یارییه‌كانى پێش كۆتایی له سه‌ر ده‌ستى چێلسى دوورخرایه‌وه و له خولى ئیسپانیش پله‌ى دووه‌مى به‌ده‌ستهێنا.
كارزان كانه‌بی
