سبەی سەرۆك بارزانی لەكەڵ شاندی سیاسی هەرێم و لایەنە سیاسییەكانی كوردستان كۆدەبێتەوە
لەمبارەیەوە سەرۆكی دیوانی سەرۆكایەتی هەرێم ئاشكرای كرد كە لەو كۆبوونەوەیەدا راپۆرتی شاندی سیاسی هەرێمی كوردستان سەبارەت بەو دیدار و گفتوگۆیانەی لەگەڵ بەڕێزان سەرۆككۆماری عێراقی فیدراڵ و سەرۆكوەزیران و سەرۆكی ئەنجومەنی نوێنەران و هێز و كەسایەتی و لیستە جیاجیاكانی سەر گۆڕەپانی سیاسی عێراق لە بەغدا ئەنجامی دابوو، دەخرێتە بەر دەستی سەرۆك بارزانی و بەڕێزیان دەرەنجامی سەردانەكە لەگەڵ شاندی ناوبراو و ئەو لایەنە سیاسییانەی هەرێم تاوتوێ دەكات.