ســـەرۆک بـــارزانـــی سەردانی خێوەتگەی تایبەت بە گەنج و لاوانی کوردستانی سووریای کرد
![ســـەرۆک بـــارزانـــی سەردانی خێوەتگەی تایبەت بە گەنج و لاوانی کوردستانی سووریای کرد](https://gulanmedia.com/public/images/posts/20240430224337_original_16.jpg )
ئەمڕۆ سێشەممە 30ی نیسانی 2024 لە دەڤەری بارزان سەرۆک مەسعود بارزانی بە مەبەستی لەنزیکەوە ئاگاداربوون لە خێوەتگەی تایبەت بە گەنج و لاوانی کوردستانی سووریا، سەردانی ئەو خێوەتگەیەی کرد.
جێگەی ئاماژەپێدانە ئەم خێوەتگەیە لە چوارچێوەی خولەکانی پەرەپێدانی مرۆیی بۆ لاوان و گەنجان لە لایەن دەزگەی خێرخوازیی بارزانی بەڕێوە دەچێت.
کار و چالاکییەکانی ئەو خێوەتگەیەش، سەردانی مەیدانی بۆ شوێنەوارە مێژووییەکان و گوتنەوەی وانەی تیۆریی و بابەتەکانی پەیوەست بە ژینگەپارێزی و پێکەوەژیان دەگرێتەوە.
هەر لە چوارچێوەی ئەو پرۆگرامەشدا، کار و چالاکییەکانی دەزگەی خێرخوازیی بارزانی لە کوردستانی سووریا بە شێوەی ئینفۆگرافیک نمایش کران.
![ســـەرۆک بـــارزانـــی سەردانی خێوەتگەی تایبەت بە گەنج و لاوانی کوردستانی سووریای کرد](https://gulanmedia.com/public/images/posts/20240430224413_big_770x552_25.jpg )
![ســـەرۆک بـــارزانـــی سەردانی خێوەتگەی تایبەت بە گەنج و لاوانی کوردستانی سووریای کرد](https://gulanmedia.com/public/images/posts/20240430224550_big_770x552_35.jpg )