گردبوونەوەی ئێرانییەکان لە دەرەوەی وڵات بۆ شەرمەزارکردنی حوکمی لەسێدارەدان لە ئێران
ڕۆژی شەممە ڕێکەوتی 4ی ئایاری ٢٠٢٤ کۆمەڵێک خەڵکی ئێران لە شارەکانی فرانکفۆرتی ئەڵمانیا و یۆتۆبۆری سوید دژی سزای لەسێدارەدان لە ئێران گردبوونەوەیەکیان ئەنجامدا.
بەشداربووانی ئەم گردبوونەوەیە ڕێزیان لە یادی قوربانیانی ناڕەزایەتییەکانی ژن- ژیان- ئازادی گرت و دژایەتی خۆیان بۆ دەرکردنی حوکمی لەسێدارەدان بۆ "تۆماج ساڵحی" ڕاگەیاند.
بڵاوبوونەوەی هەواڵی حوکمی لەسێدارەدان بۆ تۆماج ساڵحی، شەپۆلێکی بەرفراوانی ناڕەزایەتی لە نێوخۆ و دەرەوەی ئێران لەدژی ئەم حوکمەی لێکەوتەوە.
شایانی باسە بەشداربووانی ئەو کۆڕ و کۆبوونەوانە دروشمی "ژن_ژیان_ئازادی"یان وتەوە لە کاتێکدا وێنەی "نیکا شاکرمی" و تۆماج ساڵحی" و ئەوانی دیکەی مەحکوم بە ئێعدامیان بەدەستەوە بوو.
گوڵان: سەردار خەلیل
