لە دیالە تەقینەوەیەکدا چوار سەربازی عێراقی بوونە قوربانی
نیهاد محەمەد، گوتەبێژی پۆیسی دیالە، بە (باسنیوز) ڕاگەیاند: " ئەمڕۆ دووشەممە26/ 4/ 2021 لە ناوچەی شێخی نزیك لە شاری باقووبەی ناوەندی پارێزگای دیالە، بۆمبێكی چێندراو بە هێزەكانی كاردانەوەی خێرا تەقییەوە".
گوتیشی: "بەهۆی ئەو تەقینەوەیە، ئەفسەرێك گیانی لەدەست داوە و سێ سەربازیش بریندار بوون، كە سەر بە هێزەكانی كاردانەوەی خێران".
ڕاشی گەیاند: "ئەو هێزە لە ناوچەكە خەریکی پووچەڵكردنەوەی بۆمبە چێندراوەكانی تیرۆریستانی داعش بوون، بەڵام بۆمبێک بەخۆیاندا تەقیوەتەوە و زیانی گیانیی لێ کەوتووەتەوە".
باسنیوز