بەهۆی بارانبارین ولافاو لە بەرازیل ١٠ کەس گیانیان لەدەستدا
لە ئەنجامی باران بارین و لافاوێکی زۆر لە بەرازیل، ١٠ کەس گیانیان لەدەستداوە و ٢١ کەسیش بێسەروشوێن بوون.
ماوەیەکە بارانبارینی بەخوڕ لە ویلایەتی ڕیۆ گراندی باشووری بەرازیل بەردەوامە و لە ئەنجامدا 10 کەس گیانیان لەدەستداوە و 21 کەسیش بێسەروشوێنن.
چالاکی ڕزگارکردن و فریاگوزاری لە ناوچەکە بەردەوامە بۆ دۆزینەوەی بێسەروشوێنەکان.
تاوەکو ئێستا هەزار و 400 کەس بەهۆی ئەوەی ماڵەکانیان ژێرئاوکەوتووە، ناچاربوون ماڵەکانیان بەجێبهێڵن.
لوئیز ئیناسیۆ لولا دا سیلڤا، سەرۆکی بەرازیل فەرمانیدا هاوکارییە مرۆییەکان بۆ ئەو ناوچانەی کە لافاویان لێکەوتووەتەوە ڕەوانە بکرێت.
گوڵان: سەردار خەلیل
