ژمارەی قوربانییانی لافاو لە کینیا گەیشتە ١٦٩ کەس
حکومەتی کینیا ڕایگەیاند: ژمارەی قوربانییانی لافاو لە وڵاتەکەدا بۆ ١٦٩ کەس بەرزبووەتەوە.
حکومەتی کینیا ڕایگەیاند: ماوەی دوو هەفتەیە بارانبارینی بەخوڕ لە وڵاتەکەدا بەردەوامە و ژمارەی گیانلەدەستدان بۆ ١٦٩ کەس بەرزبووەتەوە.
هەروەها تا ئێستا 91 کەس بێسەروشوێنن و زۆرێک لە خانووەکان ژێرئاوکەوتوون.
بەهۆی بارانبارینی بەخوڕ لە کینیا زیاتر لە 200 هەزار کەس بێ ماڵ و حاڵ بوون.
هەروەها كۆمپانیای هێڵی ئاسنی کینیا ڕایگەیاند: کە خزمەتگوزارییەکانی شەمەندەفەر لە سەرانسەری وڵاتەکەدا ڕاگیراون.
گوڵان: سەردار خەلیل
