دهرماڵه بهكچ و كورِی شههیدانی ناوچه دابرِێنراوهكانیش دهدرێت
September 19, 2012
کۆمەڵایەتی
![دهرماڵه بهكچ و كورِی شههیدانی ناوچه دابرِێنراوهكانیش دهدرێت](https://gulanmedia.com/public/old_images/articles/parerrr.jpg )
بهختیار فهرهج بهرِێوهبهری گشتی دیوانی وهزارهتی كارو باری شههیدان و ئهنفالكراوهكانی حكوومهتی ههرێمی كوردستان له كۆنگرهیهكی رِۆژنامهوانیدا له بارهگای وهزارهت رِای گهیاند، دواى ئهوهى وهزارهتى دارایی برِیارى خهرجكردنى مینحهى هاوسهرگیرى بۆ كورِان و كچانى شههیدى ناوچه دابراوهكان دهركرد ، ئێمه ئهمرِۆ وهكو وهزارهتى شههیدان و ئهنفالكراوهكانى حكومهتى ههرێمى كوردستان برِیاری خهرج كردنی ئهو دهرماڵهیه رِادهگهیهنین.
رِوونیشكردهوه: بهههوڵى لێژنهى كاروبارى پێشمهرگه و شههیدانى پهرلهمانى كوردستان و بهبرِیارى وهزارهتى دارایی حكوومهت ههرێمى كوردستان ، كورِان و كچانى شههیدى ناوچه دابرِاهكان ههرێمى كوردستان ئهوانهى له 1/1/2010هوه هاوسهرگیریان ئهنجامداوه ، لهلایهن حكوومهتى ههرێمهوه و لهرێگاى وهزارهتى كاروبارى شههیدان و ئهنفالكراوهكان برِى پێنج ملیۆن دینار وهك مینحه وهردهگرن.
ئاماژهی بهوهشدا: بهگوێرهى ئامارێك كه لهدهست وهزارهتى كاروهبارى شههیدانه ، زیاتر له 400كهس له كورِانى و كچانى ئهو ناوچه له و مینحهیه سوودمهند دهبن.
زیاتر وتی: ههر له چوارچێوهى برِیارهكهى وهزارهتى دارایی حكوومهتى ههرێمى كوردستان دهرماڵهى خێزان و منداڵ هاوشێوهى فهرمانبهرانى ههرێمى كوردستان بۆ وارسی شههیدان و ئهنفالكراوهكانى كوردستان خهرج دهكرێت ئهویش له 1/1/2012هوه ههژماردهكرێت .
لهبهشێكی تری كۆنگره رِۆژنامهوانیهكهدا گوتی : بۆ هاوسهرى شههید 50 ههزار دینار و بۆ منداڵ 10ههزار دینار داندراوه ، ئهوهشى خستهروو: بههۆى تهواوبوونى لیستى موچهكان پێشبینى دهكهین خهرج كردنى ئهو دهرماڵهیه بكهوێته مانگى داهاتوو واتا مانگى 10.