"madagascar 3" پڕداهاتترین فیلمى ئه‌م هه‌فته‌یه‌ى ئه‌مریكاى باكوره
فیلمه‌كه له ده‌رهێنانى "ئیریك دارنیل و تۆم مكگراس"ه ، وه پاله‌وانان بن شتیلر و كریس ڕوك به‌كارى ده‌نگى هه‌ڵساون .
هه‌روه‌ها فیلمى تازه‌ى "پرومیسیوس Prometheus " به كۆكردنه‌وه‌ى په‌نجا ملیۆن دۆلار به پله‌ى دوه‌مى فیلمى پڕداهات له‌سه‌ر ئاستى سینه‌مایه‌كانى ئه‌مریكاى باكور هات . ئه‌م فیلمه‌ش له ده‌رهێنانى "ریدلى سكوت"و پاله‌وانیه‌تى هه‌ریه‌ك له نومى رابیس و مایكل فاسبنده‌ره .
به‌پێی هه‌والى ئاژانسی ڕۆیته‌رز فیلمى (سنو وایت و ڕاوچی Snow White and the Huntsman) پاش ئه‌وه‌ى هه‌فته‌ى ڕابردوو له پله‌ى یه‌كه‌مدابوو ، بۆ ئه‌م هه‌فته‌یه گه‌ڕایه‌وه پله‌ى سێیه‌م له‌سه‌ر ئاستى سینه‌مایه‌كانى ئه‌مریكا باكوردا ، به‌وه‌ى كه توانى له ماوه‌ى سێ ڕۆژی نمایشكردنیدا 23 ملیۆن دۆلار به‌ده‌ست بێنێت .
فیلمه‌كه له ده‌رهێنانى "ڕوبێرت ساندرز"ه ، وه ئه‌كته‌ران كریستین ستیوارت كریس هیمسورس و چارلیز سیرون رۆلى پاله‌وانیته‌ى تێیدا ده‌بینن .
له‌لایه‌كى تریشه‌وه فیلمى (Men In Black) به پله‌ى چواره‌مى فیلمى پڕداهاتى ئه‌م هه‌فته‌یه‌ى ئه‌مریكاى باكور هات ، پاش ئه‌وه‌ى توانى 13,5 ملیۆن دۆلار به‌ده‌ستبێنێت .
ئه‌م فیلمه‌ش كه هه‌فته‌ى ڕابردوو له پله‌ى دووه‌م دابوو ، له پاله‌وانیه‌تى هه‌ریه‌ك له ویل سمیس و جوش برولین و ده‌رهێنانى "بارى سوننفیلد"ه .
هه‌روه‌ها فیلمى (تۆله‌سه‌ندنه‌وه The Avengers) ، پاش ئه‌وه‌ى له هه‌فته‌ى ڕابردوودا له پله‌ى سێیه‌م دابوو ، بۆ هه‌فته‌یه گه‌ڕایه‌وه بۆ پله‌ى پێنجه‌مى پڕداهاتترین فیلم له‌سه‌ر ئاستى سینه‌مایه‌كانى ئه‌مریكاى باكور ، دواى ئه‌وه‌ى توانى له‌م هه‌فته‌یه‌دا له‌سه‌ر ئاستى سینه‌مایه‌كانى ئه‌مریكاى باكورو كه‌نه‌دا 10,8 ملیۆن دۆلار به‌ده‌ست بێنێت .
ئه‌م فیلمه له ده‌رهێنانى "جوس ویدون"ه‌و هه‌ریه‌ك له ئه‌كته‌رانیش ڕوبیرت دونى ئالابن و كریس ئیڤانز و مارك روفالو ڕۆلى پاله‌وانیه‌تى تێیدا ده‌بینن .
