دوای ئەوەی ڕۆڵی خانمە هونەرمەندی كۆچ كردوو ئەلیزابێس تایلۆر بەكچە ئەكتەری ئەمریكی لیندسی لۆهان سپێردرا لەفیلمێك كە باس لەژیانی تایلۆر دەكات، ئێستا خەریكە ئەو كارە لەلۆهان دەسەنرێتەوە.
لەناكاو میگان فۆكسی خانمە هونەرمەند هاتە نێو گفتوگۆكان و تەگەرەی خستە بەردەم پرۆژەكەی لۆهانەوە، بەڵام بەرهەمهێنەری ئەو كۆمپانیایەی كە بەنیازە فیلمی (Liz and Dick)ی بەرهەم بهێنێت باس لەژیانی ئەلیزابێس تایلۆر دەكات ڕایگەیاند كە ئێستا گفتوگۆكان لەگەڵ لۆهان و فۆكس بەردەوامن بەشێوەیەكی ڕاستەوخۆ و گوتی: هەڵبژاردنەكە زۆر زەحمەتە، چونكە ئێمە لەبەردەم دوو لەباشترین ئەكتەرەكانی هۆڵیۆد داین و هەڵبژاردنی یەكیان و فەرامۆشكردنی ئەویتریان جۆرێك لەجورئەتی دەوێ و دووبارەشی دەكەمە زۆر زۆر زەحمەتە.
شایەنی گوتنە ئەلیزابێس تایلۆر ساڵی 2011 لەتەمەنی 79 ساڵیدا كۆچی دوایی كرد.