هونەرمەندی گەورەی كورد حەمەجەزا كۆچی دووایی كرد
دوێنى شەو نزيكی کاتژمێر 2:00 ى رێکەوتی 1/10/2010 حەمە جەزا لەتەمەنی 63 ساڵی کۆچیی دوایی کرد. دووای ئەوەی ماوەیەك بوو تووشى نەخۆشی شێرپەنجەی پەنکریاس ببو.
هەر ئەمڕۆ تەرمی هونەرمەندی گەورە لەرێورەسمێكدا بە ئامادەبوونی چەندین هونەرمەند و كەسایەتی دیار لە گۆرستانی گردی سەیوان لەشاری سلێمانی نێژرا.
جێی ئاماژەیە هونەرمەند فەرهەنگێكی گەورەی بۆ هونەری كورد جێ هێشتووە، كە بونەتە بەشێك لە دەوڵەمەندكردنی هونەری میوزیك و گۆرانی لە كوردستاندا، ئەمە جگە لەوەی هونەرمەند لەرۆژانێكدا ئیلهام و كڵپەی ناخی پێشمەرگە بووە و، رەنگە "هۆ كاكی پێشمەرگە" و دەیان گۆرانی تری هونەرمەند بەشێك بوبن لەو مێژووەی لەشاخ تۆمار كراون و هەردەم لەبیر ناچنەوە.