هه‌ولێرراهێنه‌رێكى كرواتى ده‌ست نیشان كرد
به‌مه‌به‌ستى به‌هێزكردنى پێكهاته‌ى یانه‌كه‌ى له رووى جه‌ستییه‌وه ده‌سته‌ى كارگێری یانەی ھەولێر گرێبەستی لەگەڵ راھێنەری لێھاتووی جەستەیی کرواتی ( دوجی باکۆڤیچ) مۆرکرد بۆ ئەوەی وەکو راھێنەری لێھاتووی جەستەیی لە تیپی تۆپی پێی یانەکە بەشداربوو لە خولی نایابی عێراق کاربکات.
باکۆڤیچ لە دایکبووی ساڵی (١٩٨٦)ە و خاوەن بروانامەی (B) لە یەکێتی تۆپی پێی ئەوروپا و خاوەن بروانامەی تایبەت بەبواری لێھاتووی جەستەیی لە یەکێتی تۆپی پێی کرواتیا.
ئەم راھێنەر پێشتر یاریزانی ھەڵبژاردەی یەکەمی کرواتیا بووە و (١٥) یاری نێودەوڵەتی ئەنجام داوە و یاری بۆ چەندین یانەی کرواتی کردووە دواتر وازھێنانی لە یاریکردن راگەیاند رووی کردە بواری راھێنەرایەتی سەرەتا وەکو یاریدەدەری راھێنەر لە یانە جیاوازەکانی کرواتیا کاری کردووە و ھەروەھا یاریدەدەری راھێنەری ھەردوو ھەڵبژاردەی کرواتیا خوار ( ١٧) و (١٩) ساڵ بوو پاشان لە وەرزی (٢٠١٨-٢٠١٩) وەکو راھێنەری لێھاتووی جەستەیی لە یانەی پیرۆجیای ئیتاڵی کاریکردووە پاشان لە وەرزی (٢٠١٩-٢٠٢٠) لە یانەی باری ئیتاڵیا وەکو راھێنەری لێھاتووی جەستەیی کاری کردووە.
كارزان كانه‌بی
