كلۆپ داوای تیاگۆی ئيسپانى ده‌كات
رۆژنامه‌كانى ئه‌وروپا ئه‌وه‌یان ئاشكرا كردوه كه‌وا یۆرگن كلۆپ راهێنه‌رى یانه‌ى لیڤه‌رپوولی ئینگلیزی پاڵه‌وانى ئه‌م وه‌رزه‌ى خولى ئینگلیزی داواى له ئیداره‌ى یانه‌ى لیڤه‌رپوول كردووه كه‌وا به‌فه‌رمى گرێبه‌ست له‌گه‌ڵ یاریزانى ناوه‌ڕاستكاری ئیسپانى تیاگۆ ئه‌لكانتارا یاریزانى یانه‌ى بایرن میونخ كردوه بۆ ئه‌وه‌ى به زووترین كات گرێبه‌ست له‌گه‌ڵ ئه‌م یاریزانه بكه‌ن، رۆژنامه‌ى بێلدى ئه‌ڵمانى ئه‌وه‌ى ئاشكرا كردوه كه‌وا یانه‌ى لیڤه‌رپوول له‌گه‌ڵ تیاگۆ گه‌یشتۆته رێكه‌وتن بۆ چوونى ئه‌م یاریزانه بۆ ریزى یانه ئینگلیزییه‌كه، هه‌ر چه‌نده ئه‌م یاریزانه ته‌مه‌ن 29 ساڵه گرێبه‌سته‌كه‌ى له‌گه‌ڵ باڤاری تاكو ساڵى 2021، به‌ڵام به پێدانى پاره ئه‌م یاریزانه ده‌چێته ریزى یانه ئینگلیزیه‌كه ، هه‌ر چه‌نده كارل هاینز رۆمه‌نیگه به‌رێوه‌به‌رى جێ به‌جێ كارى یانه‌ى باڤاری ئه‌وه‌ى ئاشكرا كردوه كه‌وا تیاگۆ ده‌یه‌وێت یانه‌یه‌كى تر له ژیانى پیشه‌گه‌رى تاقی بكاته‌وه. له ساڵى 2013ئه‌م یاریزانه په‌یوه‌ندى به یانه‌ى باڤاری ئه‌ڵمانى كردووه.
كارزان كانه‌بی
