ریال مه‌درید هه‌وڵى گواستنه‌وه‌ى زانیولۆ ده‌دات
ئیداره‌ى یانه‌ى مێره‌نگى له سه‌ر داواى راهێنه‌رى یانه‌كه زێدان له هه‌وڵى ئه‌وه‌یه گرێبه‌ست له‌گه‌ڵ یاریزانى یانه‌ى رۆما نیكولو زانیولۆ مۆربكات، یانه‌ى ریال ئه‌م یاریزانه وه‌كو شوێنگره‌وى كاسمیرۆ سه‌یر ده‌كات بۆ ئه‌وه‌ى هێلى ناوه‌ڕاستى یانه‌كه‌ى پێ به‌هێز بكات، هه‌ر چه‌نده زۆربه‌ى یانه‌كانى ئه‌وروپا دووچارى كێشه‌ى دارایى بووینه‌ته‌وه، به‌ڵام یانه‌كه‌ى پایته‌ختى ئیسپانیا به‌رده‌وامه له‌سه‌ر رازی كردنى یاریزانانى یانه‌كانى تر، رۆژنامه‌ى دیلۆ سپۆرتى ئیتالی ئه‌وه‌ى ئاشكرا كردووه كه نرخی ئه‌م یاریزانه‌ى یانه‌ى رۆما 60ملیۆن یۆرۆیه و ته‌مه‌نى 21 ساڵه كه ئێستا یه‌كێكه له باشترین یاریزانه‌كانى هێلى ناوه‌ڕاست له ولاتى ئیتالیا، یانه‌ى ریال مه‌درید گرنگیه‌كى زۆرى داوه به‌م یاریزانه بۆ ئه‌وه‌ى له‌م هاوینه بیگوازێته‌وه ریزى یانه‌كه‌ى، ئه‌م یاریزانه له 24 یارى رابردوو له‌گه‌ڵ یانه‌ى رۆما شه‌ش گۆڵى تۆماركردوه.
كارزان كانه‌بی
