خانمه پیره‌كه و دیبالا گه‌یشتنه رێكه‌وتن
یانه‌ى یۆڤینتۆسى ئیتالی نزیكه‌و له‌وه گرێبه‌ستى یاریزانى ئه‌رجه‌نتینى پاولۆ دیبالاى ئه‌ستێره‌ى یانه‌كه‌ى تاكو ساڵى 2025نوێ بكاته‌وه، نوێ كردنه‌وه‌ى گرێبه‌سته‌كه‌ش به شێوه‌یه‌كى زۆر به‌هێزه له سه‌ر داواى به‌رپرسانى یانه ئیتالیه‌كه‌یه، تۆرى كالچیۆنیوز ئه‌وه‌ى ئاشكرا كردووه كه‌وا گرێبه‌ستى هه‌ردوو لا تاكو ساڵى 2025داهاتووه، یانه‌كه نوێ كردنه‌وه‌ى گرێبه‌ستى ئه‌م ئه‌ستێره‌ى له ئێستادا به پێویست زانیوه، هه‌ر چه‌نده راگه‌یاندنه‌كان ئه‌وه‌یان ئاشكرا كردووه كه‌وا دیبالا بیرى له رۆیشتن نه‌كردۆته‌وه له یانه ئیتالیه‌كه و ده‌یه‌وێت به شێوه‌ى سه‌ره‌كى یارى بكات و له‌دواى وازهێنانى رۆنالدۆش له یانه‌كه ده‌بێته كه‌سى یه‌كه‌مى یانه ئیتالیه‌كه، ئه‌م وه‌رزه له كۆى به‌شدارى كردنى له 39یارى 16گۆڵى تۆماركردوه و حه‌وت گۆڵى دروست كردوه بۆ هاورێیه‌كانى .
كارزان كانه‌بی
