مه‌درید چه‌ندین ئه‌ستێره‌ى كردۆته ئامانج
رۆژنامه‌ى ماركاى مه‌دریدی ئه‌وه‌ى ئاشكرا كردووه یانه‌ى شاهانه‌ی ئیسپانى له گواستنه‌وه‌ى هاوینه‌ى ئه‌مساڵ چه‌ندین ئه‌ستێره‌ى كردۆته ئامانج بۆ ئه‌وه‌ى بیان گوازێته‌وه ریزى یانه ئیسپانیه‌كه، یانه‌ى ریال ئه‌وه‌ى ئاشكرا كردوه كه‌وا یاریزانى كۆلۆمبی خامیس رۆدریگز نزیكه له په‌یوه‌ندى كردنى به یانه‌ى ئه‌تله‌نتیكۆ مه‌دریدى ئیسپانى، یانه‌ى ریالیش له هه‌وڵى مۆركردنى گرێبه‌ست له‌گه‌ڵ یاریزانى فه‌ره‌نسى و یانه‌ى بایرن میونخ كینگسلی كومان، جگه له‌وه‌ش ریال له به‌رنامه‌ى دایه نرخى سكرینیاری ئیتالی دیارى بكات بۆ گواستنه‌وه‌ى بۆ ئیسپانیا، هه‌ریه‌ك له یانه‌كانى ئه‌نته‌ر میامى و نیوكاسلی ئینگلیزی گرنگى به گواستنه‌وه‌ى گاریس بێلى وێلزی ده‌ده‌ن بۆ ریزى یانه‌كه‌یان كه ئێستا ئه‌م یاریزانه له پلانى یانه ئیسپانیه‌كه بوونى نییه، زێدان بیر له هێنانى ئۆبامینگ ى یاریزانى گابۆرى و یانه‌ى ئه‌رسناڵ بۆ ئه‌وه‌ى ئه‌م یاریزانه‌ش بگوزێته‌وه ریزى یانه‌كه‌ى كه ئه‌م یاریزانه‌ش نرخی 35ملیۆن یۆرۆیه و گرێبه‌ستى تاكو ساڵى 2021 له‌گه‌ڵ یانه‌ى تۆپچیه‌كان.
كارزان كانه‌بی
