مه‌دریدییه‌كان چاویان له هێنانى كاكاى نوێی به‌رازیلیه
كارگێڕى یانه‌ى شاهانه‌ى ئیسپانى به‌رده‌وامه له چاودێری كردنى یاریزانان بۆ ئه‌وه‌ى به گرێبه‌ستى شایسته بیانگوزێته‌وه ریزى یانه‌كانیا، له ئێستادا به‌رپرسانى مه‌درید چاویان له سه‌ر تواناكانى یاریزانى به‌رازیلی ئیجور گومیزى ته‌مه‌ن 21 ساڵه بۆ ئه‌وه‌ى له پاڵ هه‌ریه‌ك له یاریزانان كاسیمیرۆ و ڤینیسیۆس و رۆدریگۆ و راینیر بیكاته پێنجه‌م یاریزانى به‌رازیلی له پێكهاته‌ى یانه‌كه‌ى، مه‌درید ده‌یه‌وێت ئه‌م یاریزانه له یانه‌ى ساوپاولۆ وه بهێنێته مه‌درید كه ئه‌م یاریزانه نازناوى كاكاى نوێیه له ووڵاتى به‌رازیل، نرخی ئه‌م یاریزانه‌ش 50ملیۆن یۆرۆیه، به‌ڵام مه‌درید سووره له سه‌ر گواستنه‌وه‌ى بۆ ئه‌وه‌ى له وه‌رزى نوێ به پێكهاته‌یه‌كى جیاواز و به‌هێز ده‌ربكه‌وێت.
كارزان كانه‌بی
