فێرگه‌ى قه‌ڵادزێ گرفتى نه‌بوونى یاریگایان هه‌یه
.jpg )
فێرگه‌ى تۆپى پێى منداڵانى قه‌ڵادزێ ماوه‌ى حه‌وت ساڵه كراوه‌ته‌وه له قه‌زاى قه‌ڵادزێ سه‌ر به پارێزگاى سلێمانى، له‌م ماوه‌یه‌شدا چه‌ندین منداڵى به‌هره‌مه‌ند له‌م فێرگه‌یه مه‌شقیان ئه‌نجامداوه و سوودی زۆریان بینیوه‌له‌م باره‌شه‌وه ژینگه محه‌مه‌د راهێنه‌رى فێرگه‌ى قه‌ڵادزێ بۆ گۆڤارى گوڵان گوتى" ئه‌م فێرگه‌یه ماوه‌ى حه‌وت ساڵه به‌رده‌وامین و درێژه‌مان داوه به به‌رنامه‌كه‌مان كه بریتیه له کەبریتییە لە پەروەردەکردنی یاریزان بەشێوەیەکی رێکوپێک ، ئینجا فێرکردنیان بەشێوەیەکی زانستی و ئەکادیمی ، بەرهەمی چەند ساڵی ڕابردووشمان هەیە ، بۆ نمونە چەندین یاریزانمان ئێستا لەڕیزی تازەپێگەیشتووانی یانە و هەڵبژاردەی شارەکەمان و تیپە میللییەکان یاری دەکەن ، وە پێشتر کچەکانمان یارییان بۆ یانەی قەڵادزێ دەکرد . له باره‌ى ژماره‌ى یاریزانانیش ژینگه‌ى گوتیشى"بەردەوام نزیکەی سەد و بیست یاریزانمان هەیە ، بەڵام هاوینان ڕێژەی فێرخوازان بەرزترە لەچاو وەرزەکانی تر ، ئەمەش بەهۆی پشووی هاوین و نەمانی قوتابخانە، بەگشتی لەئێستادا ڕێژەی کچانمان کەمترە. له‌باره‌ى گرفته‌كانیش ناوبراو گوتیشى" گرفتەکانی فێرگە نەبوونی یاریگای تایبەت بەخۆمان ، ئەوەش وایکردووە کەهەفتەی تەنها یەک ڕۆژ مەشقەکانمان ئەنجام بدەین ، هەروەها شوێن و ژووری تایبەت بەفێرگەمان زۆر بچووکە ، تەنها لەیەک ژوور پێکدی کە کەلوپەل و پێداویستیەکانمان تێدا داناوە . وە نەبوونی سەرچاوەیەکی دارایی بەردەوام ، کەبێگومان هیچ شتێک بەبێ لایەنی ماددی بەڕێوەناچێ ، بەتایبەت فێرگە پێویستی زۆری بە تۆپ و شەواخس و کەلوپەلی ڕاهێنان و خواردن و خواردنەوە هەیەبۆ منداڵەکان ، لەگەڵ ئەوەی کە زۆرجاریش لەلایەن خەڵکی دڵسۆز هاوکاری کراوین.
كارزان كانه‌بی
