ڕۆژنامەى تیلیگرافى بەریتانى بڵاویکردووەتەوە، یانەى بارسێلۆنا ڕێککەوتنى لەگەڵ ئەنتوان گریزمانى فەڕەنسى هێرشبەرى یانەى ئەتلەتیکۆ مەدرید تەواوکردووە و چاوەڕێى کۆتایى هاتنى ئەم مانگە دەکات بۆ یەکلاکردنەوەى گرێبەستەکە بەشێوەیەکى فەرمى.

ڕۆژنامەکە ئاشکرایکردووە، بارسێلۆنا بڕى مەرج سزاى هەڵوەشاندنەوەى گرێبەستەکەى گریزمانى داوەتە یانە مەدریدیەکە، کە ١٢٠ ملیۆن یۆرۆیە و لەگەڵ یاریزانەکەشدا ڕێککەوتووە مووچەى ساڵانەکەى ١٤ ملیۆن یۆرۆ بێت بۆ ماوەى پێنج وەرز.

ئەمە لە کاتێکدایە، گریزمانى ٢٨ ساڵ، لە کۆتایى وەرزى ڕابردوودا بەفەرمى ڕۆیشتنى لە یانەکەیدا ڕاگەیاند و بەرشەلۆنەش چەند ساڵێکە هەوڵى گواستنەوەى دەدات.