ماتیاس دی لیخت نزیکە لە یانەیەکی ئیتاڵیا
تۆڕی هەواڵی سکای سپۆرتی ئیتاڵی بڵاویکردووەتەوە، لە چەند رۆژی داهاتوودا بە فەرمی داهاتووی دی لیخت لەگەڵ ئەیاکس یەکلایی دەبێتەوە و ئێستا گرێبەستی ئەو یاریزانە لەگەڵ یانەی یوڤێنتوس %90ـی کارەکانی تەواوبووە و ئەو یاریزانە نزیکە لەوەی ببێتە یاریزانی یوڤێنتوس.
سکای نوسیویەتی لە ناوەڕۆکی گرێبەستەکەش کە بە بڕی 65 تاوەکو 75 ملیۆن یۆرۆ دەبێت و هەروەها مووچەی ساڵانەشی 12 ملیۆن یۆرۆ دەبێت.
سەرەڕای ئەوەی خانمە پیرەکە نزیکە لە یەکلاکردنەوەی ئەم گرێبەستە، بەڵام یانەی پاریس سانجێرمان کۆڵی نەداوە و هێشتا لەسەر هێڵە بۆ ئەوەی گرێبەستی دی لیخت لەبەرژەوەندی خۆی یەکلاییبکاتەوە، ئەوەی تایبەت بێت بە یانەی بارسێلۆناش، یانەکە لە گواستنەوەی بەرگریکارە هۆڵەندییەکەدا کشاوەتەوە.
