پاڵه‌وانێتى هێزى له‌شى كچانى یانه‌كانى كوردستان به‌رێوه‌ده‌چێت
.jpg )
به مه‌به‌ستى زیاتر خزمه‌ت كردنى یارى هێزی له‌ش له شاره‌كانى كوردستان و گرنگیدانى به‌رده‌وام به‌م یارییه یه‌كێتى ناوه‌ندى هێزى له‌ش بۆ یه‌كجار له‌سه‌ر ئاستى كوردستان پاڵه‌وانێتى هێزى له‌شى یانه و هۆڵه‌كانى وه‌رزشى به‌رێوه‌ده‌بات، له‌م باره‌شه‌وه فه‌تحى عه‌باس سه‌رۆكى ناوه‌ندى هێزى له‌شى كوردستان بۆ گۆڤاری گوڵان گوتى"له سه‌ره‌تاى مانگى داهاتوو پاڵه‌وانێتى یانه و هۆڵه‌كانى كوردستان به‌رێوه‌ده‌چێت بۆ هێزى له‌ش پێنج پرێس بۆ ئاستى خانمان ، یارییه‌كانیش له بنكه‌ى وه‌رزش و لاوانى هه‌ولێر له شارى هه‌ولێر به‌رێوه ده‌چێت، ئه‌م پاڵه‌وانێتیه بۆ یه‌كمجاره له سه‌ر ئاستى هه‌رێمى كوردستان به‌رێوه ده‌چێت، له باره‌ى به‌شدارى كردنى یانه‌كانیش گوتى" بۆ ئاستى كراوه‌یه بۆ سه‌رجه‌م یانه و هۆڵه‌كانه بۆ ئاسته‌كانى تازه‌پێگه‌یشتوان و لاوان و پێشكه‌وتوان پێشبینیش ده‌كه‌ین ژماره‌یه‌كى زۆر له یانه‌كانى كوردستان به‌شدارى بكه‌ن، چونكه یه‌كمجاره پاڵه‌وانیه‌تیه‌كى له‌م جۆره به‌رێوه بچێت بۆ ئاستى كچان، به‌هیواى ئه‌وه‌ین بتوانین به جوانترین شێوه پاڵه‌وانیه‌تیه‌كه به‌رێوه‌ببه‌ین و ئاماده‌كارى پێویستمان كردوه بۆ ئه‌وه‌ى به سه‌ركه‌وتوویی كاره‌كانمان ئه‌نجام بده‌ین، پاڵه‌وانیه‌تیه‌كه‌ش ماوه‌ى یه‌ك رۆژ به‌رده‌وام ده‌بێت.
كارزان كانه‌بی
