دوای شكستە قورسەكەیان بەرامبەر بارسێلۆنا رادیۆی ئۆندا سیرۆی ئیسپانی بڵاویكردەوە كە یانەی ریال مەدرید لە چەنج كاژێرێكی داهاتوو جولین لۆپتیگۆی راهێنەری یانەكە لە پۆستەكەی دووردەخاتەوە و راهێنەرێكی نوی بۆ ئەم پۆستە دیاری دەكات.

بە پێی هەواڵی رادیۆی سیرۆی ئیسپانی یانەی ریال مەدرید ئەنتۆنیۆ كۆنتی لە شوێنەكەی لۆپتیگی دەكاتە راهێنەر و رەنگە ئەمرۆ دووشەممە كاتژمێر: 2:00ی دوای نیوەرۆ بە فەرمی هێنانی ئەنتۆنیۆ كۆنتی وەك راهێنەری یانەی ریال مەدرید رابگێندرێت.

هەروەها رادیۆی کادینا کۆپی ئیسپانی رایگەیاندووە، ئەمرۆ دووشەممە لۆپتیگی راهێنەر دووردەخرێتەوە و فلۆرێنتینۆ پێرێز، ئەنتۆنیۆ کۆنتی ئیتالی دەکاتە راهێنەری یانەکە.

وە هەروەها رۆژنامەی ئەی ئێسی ئیسپانی بڵاوکردووەتەوە و دەڵێت: کۆنتی راهێنەری داهاتووی یانەی ریال مەدریدە، هەروەها دەشڵێت: کۆنتی بە پلانی 3-5-2 یارییدەکات و ئەو پلانە بۆ ریال مەدرید گونجاوە کە پێشتریش تاقیکراوەتەوە.

وە هەروەها رۆژنامەی مارکای نزیک لە ریال مەدرید رایگەیاندووە، جولین لۆپیتیگێ دوای یارییەکە لە ژووری جل گۆڕینی یانەکە ماڵئاوایی لە یاریزانەکانی ریال مەدرید کردووە.

ئەمە دوای ئەوە دێتە كە یانەی ریال مەدرید لە كلاسیكۆی دێنێدا تووشی شكستێكی قورس هات بە ئەنجامی 1-5 بەرامبەر بە بارسێلۆنا.