لەچاوپێکەوتنێکدا پێپ گواردیۆلا راهێنەری یانەی مانچستەر سیتی رایگەیاند: هەردوو یانەى ریاڵ مەدرید و بەرشەلۆنە بەهێزترین پاڵێوراون بۆ نازناوی چامپیۆنزلیگی ئەمساڵ.

گوتیشی: ئەگەر مانچستەر سیتی بخرێتە لیستی پاڵێوراوەکانەوە کەواتە یانەیەکی باشمان هەیە بەڵام بەدوری دەزانم بتوانین بەدەستی بهێنین.

لەدرێژەى قسەکانیدا راهێنەرەکەى مانچستەرسیتی پێشبینی کرد یانەى میلان بگەرێتەوە ریزی گەورەکانی ئەوروپا.

بەراى گواردیۆلا ئەو یانانە هەمیشە پاڵێوراون بۆ چامپیۆنز لیگ کە مێژوویەکی دێرینیان هەیە لە پاڵەوانێتیەکەدا.

گواردیۆلا ستایشی ئاستی بەرزی میسی و رۆناڵدۆشی کرد بەوەى 10 ساڵە لەسەر یەک هەموو وەرزێک 50 گۆڵ تۆماردەکەن.