به‌یار ئه‌بوبه‌كر هه‌وڵده‌ده‌م بگه‌رێمه‌وه ریزى هه‌ڵبژارده‌ى عێراق
.jpg )
یانه‌كانى باشورو ناوه‌ڕاستى عێراقى ساڵانه چه‌ندین یاریزانى كورد ده‌كه‌نه ئامانج بۆئه‌وه‌ى له ریزى یانه‌كانیان یارییان پێ بكه‌ن له خولى عێراقی، به‌یار ئه‌بوبه‌كر یه‌كێك له‌و یاریزانه كوردانه‌ى كه ماوه‌یه‌كى زۆره له‌خوله‌كانى عێراقی یارى ده‌كات، ماوه‌ى دوو وه‌رزیشه له‌گه‌ڵ یانه‌ى نه‌فت یارى ده‌كات، ئه‌مساڵیش سه‌ره‌ڕاى هاتنى گرێبه‌ست بۆى هه‌ر له یانه‌ى نه‌فت مایه‌وه له‌م باره‌شه‌وه به‌یار ئه‌بوبه‌كر بۆ گۆڤارى گوڵان گوتی" هه‌رچه‌نده گرێبه‌ستى ترم بۆ هاتووه له‌لایه‌ن یانه‌كانى ترى به‌شدار له خولى عێراقی، به‌ڵام من یانه‌ى نه‌فتم له هه‌موو ئه‌و گرێبه‌ستانه پێ باشتر بوو كه پێشكه‌شم كرابوو، چونكه یانه‌ى نه‌فت یانه‌یه‌كى به‌هێزه و خاوه‌ن كۆمه‌لێك یاریزانى به‌توانایه له ئاستى عێراقی بۆیه ده‌مه‌وێ له‌گه‌ڵ ئه‌و یانه‌یه ئه‌نجامى باشتر به‌ده‌ست بهێنم، جگه له‌وه‌ش یارى كردنم بۆ ئه‌وه یانه‌یه بۆ ئه‌وه‌یه كه‌وا بتوانم له خولى یانه‌كانى ئاسیا و له ئاستى ده‌ره‌وه‌ش به‌شدارى كردنمان هه‌یه وه‌كو یاریزانێكى كورد ئاستێكى به‌رز پێشكه‌ش بكه‌م، گوتیشى كارگێڕى یانه‌ى نه‌فت و یاریزانه‌كان زۆر رێزى ئێمه ده‌گرن وه‌كو یاریزانى كورد له ماوه‌ى رابردووش هیچ گرفتێكم له‌گه‌ڵ ئه‌و تیپه و كارگێڕیه‌كه‌ى نه‌بووه ، گوتیشى" چه‌ندین گرێبه‌ستم هه‌بوو به‌تایبه‌تى یانه‌ى ته‌له‌به زۆر داوایان كرد كه بچمه ریزى ئه‌و یانه‌یه به‌ڵام من ره‌تم كرده‌وه یانه‌ى نه‌فتم پێ باشتر بوو ده‌مه‌وێ له ساڵانى ئاینده له ریزى یانه‌یه‌كى گه‌وره‌تر یارى بكه‌م بۆ ئه‌وه‌ى ئاستێكى شایسته پێشكه‌ش بكه‌م، هیواى من پیشه‌گه‌رییه له سه‌ر ئاستى ده‌ره‌وه‌ى عێراق بۆ ئه‌وه‌ى بتوانم وه‌كو كورد ئاستێكى به‌رز پێشكه‌ش بكه‌م، بۆ گه‌ڕانه‌وه‌شى بۆ هه‌ڵبژارده‌ى عێراقی گوتى" بۆ ئه‌و چه‌ند یارییه بانگ نه‌كراوم، به‌ڵام ئومێدى زۆرم به‌خۆم هه‌یه كه ده‌توانم كارى باش بكه‌م وا له ستافى راهێنه‌ران بكه‌م داوام بكه‌نه‌وه بۆ یارى كردن له ریزى هه‌ڵبژارده‌ى عێراقی ئه‌و هه‌له‌یه‌شم له پێشه بۆ ئه‌وه‌ى بتوانم جارێكى تر بگه‌رێمه‌وه ریزى هه‌ڵبژارده‌ى عێراق.
كارزان كانه‌بی
