دوێنێ شەو لە یارییەكانی گەڕی یەكەمی قۆناغی گرووپەكانی خولی یانە پاڵەوانەكانی ئەوروپا هەردوو یانەی یوڤینتۆس و یانەی ڤاڵانسیا رووبەرووی یەكتربوونەوە.

لە یارییەكەدا یانەی یوڤینتۆس بە (10) یاریزان و بە ئەنجامی (2 – 1) لە یانەی ڤاڵانسیای بردەوە.

لە گێمی یەكەم و لەخولەكی 29 كریستیانۆ رۆناڵدۆی پورتوگالی بەشێوەیەكی چاوەروان نەكراو بە كارتی سور لەلایەن ناوبژیوانەوە كرایە دەرەوەی یاریگا دوای ئەوەی قژی بەرگریكارێكی یانەی ڤاڵانسیای راكێشت.

میرالیم پیانیچ پیاوی یارییەكەبوو، توانی دوو لێدانی سزا جێبەجێ بكات و بە دوو گۆڵ یوڤینتۆس بكاتە خاوەنی سێ خاڵ.