رۆژنامەى مارکاى ئیسپانى بڵاویکردووەتەوە، جولێن لۆپیتیگى راهێنەرى ریاڵ مەدرید بۆ یارییەکەى ئەمشەوى بەرامبەر رۆما لە چامپیۆنز لیگدا بەلایەنى کەمەوە دوو گۆڕانکارى لەو پێکهاتەیەدا دەکات، کە لە یارییەکەى بەرامبەر بلباو لە خولى ئیسپانیا یارى پێکرد.

رۆژنامەکە ئاماژەى بەوە کردووە، راهێنەرى یانە مەدریدیەکە لە بەرامبەر رۆمادا بە شێوەیەکى سەرەکى یارى بە ئیسکۆ و کاسمیرۆ دەکات، کە لە یارى پێشوودا یەدەگبوون و ئەسینسیۆش لەسەر کورسى یەدەگ دەهێڵێتەوە.

رۆژنامەکە باسى لەوەش کردووە، لۆپیتیگى یارى بە کۆرتوا دەکات و لە بەردەمیشیدا پشت بە کارڤاخال و ڤاران و رامۆس و مارسیلۆ یان ناچۆ دەبەستێت.

کاسمیرۆ و کروس و مۆدریچیش لە هێڵى ناوەڕاستدا دەبن و بنزیمە و بەیڵیش هێڵى هێرشبردنى یانەى شاهانە لەو یارییەدا پێکدەهێنن.