گولاَن/ساڵح محمد
گۆڵچی یانه‌ى ئه‌نته‌رمیلان و هه‌ڵبژارده‌ى ئیتاڵیا (فرانچیسكۆ تۆڵدۆ) به‌یه‌كجارى وازى له‌ یارى تۆپی پێى هێنا برِیارى دا جارێكى تر نه‌گه‌رِێته‌وه‌ ناو یاریگا، له‌هه‌مانكاتدا تۆڵدۆ هیواى خواست كه‌ بتوانێت له‌ ده‌سته‌ى كارگێرِ یانه‌ى ئه‌نته‌رمیلان جێی ببێته‌وه‌ و له‌و یانه‌یه‌ به‌رده‌وام بێت.

تۆڵدۆ دواى 20 ساڵ له‌یارى كردن توانیویه‌تى ئاستێكى به‌ز پێشكه‌ش بكات و سه‌رنجى جیهان بۆلای خۆى رِابكێشێت، له‌ ساڵى 2001 تا ئێستا له‌ یانه‌ى ئه‌نته‌رمیلانى ئیتاڵى یارى ده‌كات. و توانى له‌گه‌ڵ یانه‌ى ئه‌نته‌رمیلان و هه‌ڵبژارده‌ى ئیتاڵیا چه‌ندین نازناو به‌ده‌ستبهێنێت.