دوای ئەوەی هەڵبژاردەی بەرازیل لە یەكەم یاری خۆیدا رووبەڕووی هەڵبژاردەی كۆریای باكوور بۆوە، لەم یارییە هەڵبژاردەی بەرازیل زۆر بە زەحمەت توانی یارییەكە بە ئەنجامی 2-1 گۆڵ بباتەوە، بەڵام لە چەند رۆژی رابردوو رۆژنامەكانی چین هێرشێكی توندیان كردە سەر ئەستێرەی هەڵبژاردەی بەرازیل و یانەی ریال مەدرید كاكا، چونكە بەپێی رۆژنامەكان كاكا دوای كۆتایی هاتنی یارییەكە رازی نەبوو درێسی لەگەڵ یاریزانی هەڵبژاردەی كۆریای باكوور یۆنگ تای سی بگۆڕێتەوە، ئەم یاریزانە پێش دەستپێكردنی یارییەكەو دوای گوێبیستبوونی سروودی نیشتمانی وڵاتەكەی چاوی پڕ بوو لە فرمێسك.

یەكێك لە رۆژنامەكانی چین وتی: رۆژێك لە رۆژان كاكا داوای گۆڕینەوەی درێسی لەگەڵ یۆنگ تای سی دەكات و ئاستی كاكا زۆر خراپە و یۆنگ لەم یاریزانە باشتر بوو.

جێگەی باسە ئەم رووداوە كاردانەوەیەكی گەورەی لەسەر كاكا هەبوو، هەندێك باس لەوە دەكەن كە كاكا نەیزانیوە داواكاری ئەم یاریزانە چییە، بەڵام یۆنگ تای سی ئاماژەی بەوە دا كە دەتوانێت بە پورتوگالی قسە بكات.

هەڵبژاردەی كۆریای باكوور لە وڵاتی چین جەماوەرێكی یەكجار زۆری هەیە، تا راددەیەك پێش دەستپێكردنی مۆندیال لە ئامارێكدا سەبارەت بەوەی كێ دەبێتە پاڵەوانی جامی جیهانی 2010، هەڵبژاردەی كۆریای باكوور پلەی یەكەمی لەم ئامارە بە دەستهێنا.