دیل بۆسكی هه‌ر له پۆسته‌كه‌ی ده‌مینێته‌وه
سه‌رۆكی یه‌كێتی تۆپی پێ ئیسپانیا ئه‌نخێل ماریا له لێدوانێكیدا ته‌ئكیدی له‌وه كرده‌وه، كه دیل بۆسكی وه‌كو راهێنه‌ری هه‌ڵبژارده‌ی ئیسپانیا ده‌مینێته‌وه دوای كۆتایی هاتنی یارییه‌كانی مۆندیال-ی 2010.
له درێژه‌ی قسه‌كانیدا ئه‌نخێل ماریا گوتی: دیل بۆسكی دوای مۆندیالی 2010 له پۆسته‌كه‌ی به‌رده‌وام ده‌بێت، ئه‌گه‌ر هه‌ڵبژارده‌ی ئیسپانیا بۆ قۆناغی دووه‌م سه‌رنه‌كه‌وێت ئه‌وه شتێكی ئاساییه و نابێته شكست بۆ ئه‌م راهێنه‌ره.
جێگه‌ی باسه ئیسپانیا له یه‌كه‌م یاری له مۆندیال تووشی دۆران هات كاتێك به ئه‌نجامی گۆڵێكی بێ به‌رانبه‌ر له‌گه‌ڵ سویسرا دۆرا.
