مەشقی وەرزشی لە مانگی رەمەزاندا گرنگیی زۆری هەیە، بەتایبەتی بۆ رێگرتن لە هەستكردن بە بێهێزی و هیلاكیی لە ئەنجامی رۆژووگرتندا، بەڵام بە هەڵبژاردنی جۆری مەشقی وەرزشی و كاتی گونجاو بۆ ئەنجامدانی، پێویستە كە مەشقی سادەی وەكو پیادەڕۆیی ئەنجام بدەیت و كاتەكەی لە نێوان هەردوو ژەمی پارشێو و ئیفتاردا بێت، لە گەلێك لێكۆڵینەوەدا هاتووە كە چەند جۆرێكی مەشقی وەرزشی ئەگەر لەسەر گەدەی بەتاڵ ئەنجام بدرێن، ئەوا سوودە تەندروستییەكانیان دوو هێندە زیاد دەبن. ئەگەرچی مەشقە هەواییەكان Aerobics لەش ماندوو دەكەن و پێویستیان بە چوستیی جەستەیی هەیە، بەڵام پسپۆڕانی وەرزش ئامۆژگاریی ئەم جۆرە مەشقانە لە مانگی رەمەزاندا دەكەن بەمەرجێك پێش ژەمی ئیفتار ئەنجام بدرێن بە مەبەستی رێگرتن لە ونكردنی شلە و كانزایەكانی لەش. پسپۆڕانی تەندروستیش پێیان باشە كە مەشقی پیادەڕۆیی پێش ژەمی ئیفتار ئەنجام بدرێت و مەشقە هەواییە قورسەكان بخرێنە 4-5 كاتژمێر پاش ژەمی ئیفتارەوە(بەربانگ)، باسی ئەمەش كراوە كە پیادەڕۆیی لەسەرخۆ بەیانیان زوو بۆ ماوەی 30-45 خولەك هەنگاوێكی باشە بۆ پاراستنی لیاقەی لەش، لە لایەكی دیكەوە ئەنجامدانی هەر مەشقێكی وەرزشی بۆ ماوەی 60 خولەك پیش ژەمی ئیفتار(بەربانگ)، رێگایەكی كاریگەرە بۆ دابەزاندنی كێشی زیادی لەش، هەروەها ئەنجامدانی مەشقی وەرزشی پاش تەنیا هەشت كاتژمێر لە رۆژووگرتن هاندەرە بۆ زیاتر سووتاندنی چەوریی لەش و دابەزاندنی كێش.

زیانەكانی رۆژووگرتنی بێ پارشێو