بەهای خۆراكی قەرنابیت Cauliflowerلەوەدایە كە چەندین ماددەی دژەئۆكسان لەخۆدەگرێت كە بایەخیی تەندروستی زۆریان هەیە، بۆ نموونە ماددەی ئەلیسین Allicin كە ئەگەری توووشبوون بە نەخۆشی دڵ و جەڵتەی مێشك كەم دەكاتەوە. قەرنابیت ڕێژەیەكی بەرزی كانزای سیلینیۆم و ڤیتامین C لەخۆدەگرێت، كانزای سیلینیۆم كە بە هەماهەنگی لەگەڵ ڤیتامین C ڕۆڵی هەیە بۆ بەهێزكردنی سیستمی بەرگری لەش بەتایبەتی دژی هەوكردنە میكرۆبییەكان و ڤایرۆسەكان. خواردنی قەرنابیت ئاستی كۆلیستیرۆل تا ڕاددەیەكی باش دادەبەزێنێت، چونكە ڕێژەیەكی بەرزی لە ڕیشاڵی تواوە تێدایە كە قۆڵۆنیش لە شێرپەنجە دەپارێزێت، هەروەها ترشی فۆلیك لەخۆدەگرێت كە گرنگە بۆ گەشەی خانەكان و ئافرەتی دووگیان بە مەبەستی پاراستنی كۆرپە لە سەقەتی زگماكی. هۆكاری ڕەنگی جیاوازی قەرنابیت دەگەڕێتەوە بۆ جیاوازی لە ڕێژە و جۆری ماددە دژەئۆكسانەكان بەتایبەتی فلاڤۆنۆیدەكان Flavonoids و كارۆتینۆیدەكان Carotenoids دەنا لە ڕووی پێكهاتەكان و بەهای خۆراكییەوە قەرنابیتی مۆر و سپی جیاوازییەكی ئەوتۆییان نییە.