ئەمڕۆ سێشەممە، بەرپرسانی سەربازیی ئەمریکا کوژرانی چوار سەرکردەی باڵای دیکەی رێکخراوی تیرۆریستی داعشیان پشتڕاست کردەوە، کە لە ھێرشە ئاسمانییەکەی رۆژی 11/7/2017، لە باکووری ڕۆژھەڵاتی ئەفغانستان کە بووە ھۆی کوژرانی باڵاترین سەرکردەی گرووپە تیرۆریستییەکە.

پەیجی دژەتیرۆری کوردستان، بڵاوی کردووەتەوە کە بەگوێرەی ھەواڵێکی ماڵپەڕی دەنگی ئەمریکا، ھێرشە ئاسمانییەکەی 11/7/2017 دەستەی بەڕێوبەرایەتیی داعشییان کردە ئامانج لە ھەرێمی کونار کە لەسەر سنووری پاکستانە و لە ئەنجامدا ئەبو سەیدی سەرکردەی داعش، لە ھەرێمی خوراسان کوژرا.

بەیاننامەیەکی سەربازیی ئەمریکا، لیستی ناو و پلەی چوار تیرۆریستەکەی بڵاوکردەوە کە ھەموویان سەرکردە و ڕاوێژکاری رێکخراوی تیرۆریستی داعش بوون، شێخ زیاوڵلا، مەولاوی حوبەیب، حاجی شیروڵا و ئەسەدوڵلا لە لیستی ناوەکاندا بوون.

دوای ھێرشەکە لەو کاتەدا ئەمەریکا توانی کوژرانی سەید پشتڕاست بکاتەوە، بەڵام یەکسەر نەیتوانی وردەکاری لەسەر کوژرانی سەرکردەکانی تر دەست بکەوێت.










باسنيوز