هێزە ئەمنییەکانی تورکیا لە رۆژئاوای ئەو وڵاتە ژمارەیەک قاچاغچی دەستگیر دەکەن، کە بەشێکیان کوردن.

فەرماندەیی سەربازیی دەریاوانیی سەر بە سوپای تورکیا راگەیەندراوێکی بڵاو کردووەتەوە و تێیدا رایگەیاندووە، 675 قاچاغچییان لە شاری ئیزمیر لەسەر دەریای ئیجە، دەستگیر کردووە.

بەشێک لەو قاچاغچییانە تۆمەتی بازرگانیکردن بە مرۆڤیان دراوەتە پاڵ و رەوانەی دادگاکانی تورکیا کراون.

فەرماندەییەکە رەگەزنامەی بەشێک لە قاچاغچییەکانی بڵاو کردووەتەوە، کە بەمشێوەیەیە:

- 518 قاچاغچیی ئەفغانی

- 19 قاچاغچیی پاکستانی

- 17 قاچاغچیی سۆماڵی

- 17 قاچاغچیی کۆنگۆیی

- 9 قاچاغچیی هەرێمی کوردستان

- 13 قاچاغچی وڵاتانی جیاواز.

ئەو قاچاغچییانە پەنابەرانی نایاساییان بە قاچاغ و بەڕێی ئاوی، گەیاندووەتە سنوورەکانی یۆنان و وڵاتانی دیکەی ئەوروپا.












باسنيوز