ئاشتۆن كارته‌ر وه‌زیری به‌رگریی ویلایه‌ته‌یه‌كگرتوه‌كانی ئه‌مریكا، له‌میانی وتارێكدا كه‌ له‌بنكه‌یه‌كی سه‌ربازی له‌واشنتنی پایته‌ختی وڵاته‌كه‌ی پێشكه‌شی كرد رایگه‌یاند تیمی ئه‌لیكترۆنی له‌پاسه‌وانانی نیشتمانی له‌ئێستادا به‌شداری هێرشی ئه‌لیكترۆنی دژی رێكخراوی تیرۆرستی داعش ناكه‌ن، به‌ڵام له‌ ئاینده‌دا به‌شدار ده‌بن ،ئه‌وه‌ش له‌پێناوی په‌له‌كردن له‌تێكشكاندنی رێكخراوه‌ تیرۆرستیه‌كه‌دا.

كارته‌ر، راشیگه‌یاند ئه‌و تیمه‌ ده‌كرێت هێرشی ئه‌لیكترۆنی به‌هێزتر له‌وه‌ی ئێستای سوپای ئه‌مریكا له‌عێراق‌و سوریا ده‌یكات ئه‌نجام بدات، ئه‌وه‌ش له‌پێناوی گره‌نتی تێكشكاندنی داعش.

وتی‌ "ئێمه‌ش پێویستیمان به‌وه‌ هه‌یه‌ بۆیه‌ ئه‌و كاره‌ ده‌كه‌ین".

وه‌زیری به‌رگری ئه‌مریكا، له‌كۆتایی وتاره‌كه‌یدا رایگه‌یاند به‌دوای رێگای به‌په‌له‌دا ده‌گه‌رێن بۆ تێكشكانی داعش شه‌ری ئه‌لیكترۆنیش یه‌كێك له‌و رێگایانه‌یه‌ .