داودئۆغڵو: رووسیا تورکمان و سوننەکان جینۆساید دەکات
ئەحمەد داودئۆغڵو، سەرۆک وەزیرانی تورکیا لە ئیستەنبوڵ بە رۆژنامەنووسانی راگەیاندووە، کە رووسیا هەوڵی دامەزراندنی ناوچەیەکی ئارام لە شاری لازقییە دەدات، بۆ پاراستنی بنکە سەربازییەکانی خۆی و رژێمی سوریا.
ئەحمەد داودئۆغڵو هەروەها رووسیای بە ”هەوڵدان بۆ بەهێزکردنی“ رێکخراوی دەوڵەتی ئیسلامی (داعش) تۆمەتبار کرد و پێیوایە بۆردوومانەکانی لە بەرژەوەندیی رژێمی سوریایە و دژی داعش نییە.
سەرۆک وەزیرانی تورکیا ئاماژەی بەوەشکردوورە، کە سوپای رووسیا لە سوریا، تورکمان و عەرەبە سوننەکانی دەوروبەری چیای تورکمان لە لازقییە دەردەکات و هەوڵی لەناوبردنیان دەدات.
باسنيوز