فرانسوا ئۆلاند سه‌رۆكى فه‌ره‌نسا ئه‌مڕۆ له‌ كۆنگره‌یه‌كی رۆژنامه‌وانیدا رایگه‌یاند وڵاته‌كه‌ی ئاماده‌یه‌ بۆ پێشوازیكردنی بیست و چوار هه‌زار په‌نابه‌ر له‌ چوارچێوه‌ی پلانه‌كانی وڵاتانی یه‌كێتی ئه‌وروپا كه‌ بڕیاریداوه‌ به‌ وه‌رگرتنی زیاتر له‌ سه‌د هه‌زار په‌نابه‌ر له‌ ماوه‌ی دوو ساڵی داهاتوودا .

دووپاتیشی كرده‌وه‌ كه‌ له‌گه‌ڵ ئه‌نگێلا مێركل راوێژكاری ئه‌ڵمانیا پشتگیری یه‌كێتی ئه‌وروپا ده‌كه‌ن كه‌ له‌ بیست و هه‌شت وڵات پێكهاتووه‌ به‌وه‌ی پابه‌ندبن به‌و پلانه‌ كه‌ هه‌ر وڵاتێكی نێو یه‌كێتیی ئه‌ورووپا به‌شی خۆی وه‌ربگرێت له‌ كۆی په‌نابه‌ران كه‌ به‌پێی پلان سه‌د و بیست هه‌زار په‌نابه‌ر ته‌رخان كراوه‌ .

روونیشیكرده‌وه‌ كه‌ فه‌ره‌نسا پێشنیار ده‌كات كۆنگره‌یه‌كی نێوده‌وڵه‌تی له‌ فه‌ره‌نسا بۆ تاوتۆێكردنی گرفتی په‌نابه‌ران ببه‌سترێت .