دیبلۆماتكارانى رۆژئاوا ئاشكرایانكرد، هه‌فته‌ى داهاتوو ئه‌نجوومه‌نى ئاسایشى نێوده‌وڵه‌تى له‌ دانیشتنێكدا ده‌نگ‌ له‌سه‌ر رێككه‌وتنى ئه‌تۆمى نێوان وڵاتانى گروپى پێنج كۆیه‌ك و ئێران ده‌دات و هه‌روه‌ها سزا ئابووریه‌كانى سه‌ر ئێرانیش هه‌ڵده‌وه‌شێنێته‌وه‌ له‌ به‌رامبه‌ر ئه‌وه‌ى به‌ هه‌موو شێوه‌یه‌ك پارێزگارى له‌ چه‌كى ئه‌تۆمى و ته‌كنه‌لۆژیاى دروستكردنى ئه‌و موشه‌كى بالیستییه‌ قه‌ده‌غه‌ ده‌كات.

دیبلۆماتكاره‌كان راشیانگه‌یاند، ئه‌مه‌ریكا ده‌ستنووسى رێككه‌وتنه‌ ئه‌تۆمییه‌كه‌ به‌سه‌ر وڵاتانى ئه‌ندام له‌ ئه‌نجوومه‌نى ئاسایشى نێوده‌وڵه‌تى كه‌ ژماره‌یان پازده‌یه‌ دابه‌ش ده‌كات تا هه‌فته‌ى داهاتوو له‌ دانیشتنى ئه‌نجوومه‌نه‌كه‌دا ده‌نگى له‌سه‌ر بدرێت و په‌سه‌ند بكرێت.

دیبلۆماتكاره‌كان روونیشیانكرده‌وه‌، هه‌ر كه‌ رێككه‌وتنه‌كه‌ په‌سه‌ندكرا، ئه‌نجوومه‌نى ئاسایشى نێوده‌وڵه‌تى و ئه‌مه‌ریكا و یه‌كێتى ئه‌وورپا سزا سه‌پێندراوه‌كانى سه‌ر ئێران هه‌ڵده‌گرن. به‌پێى ئه‌و رێككه‌وتنه‌ ئه‌تۆمییه‌ كه‌ وڵاتانى گروپى پێنج كۆیه‌ك و ئێران واژووكراوه‌، سووكردن و هه‌ڵگرتنى سزا سه‌پێندراوه‌كانى سه‌ر ئێران، هه‌نگاو به‌ هه‌نگاو ده‌بێت له‌وه‌ى ئێران رێوشوێنه‌ ئه‌تۆمییه‌كانى نێو رێككه‌وتنه‌كه‌ وه‌ك خۆى جێبه‌جێ بكات كه‌ ئه‌ویش له‌ ژێر چاودێرى ئاژانسى نێوده‌وڵه‌تى وزه‌ى ئه‌تۆم ده‌بێت.