بنیامین ناتانیاهۆ سه‌رۆك وه‌زیرانى ئیسرائیل؛ رێككه‌وتنى ئه‌تۆمى ئێرانى به‌ هه‌ڵه‌یه‌كى مێژوویى وه‌سف كرد. به‌ پێى راگه‌یاندنى نووسینگه‌ى سه‌رۆك وه‌زیرانى ئیسرائیل؛ ناتانیاهۆ له‌ دیدارو چاوپێكه‌وتنى له‌ گه‌ڵ سه‌رۆك وه‌زیرانى هۆڵه‌ندا؛رایگه‌یاند: كه‌ له‌ هه‌موو ئه‌و بوارانه‌ى كه‌ بڕیار بووه‌ رێگرى بكات له‌ به‌رهه‌مهێنانى چه‌كى ئه‌تۆمى ئێران؛ سازشى زۆر كراوه‌.

هه‌روه‌ها بایه‌خ دان به‌ كه‌سانێك كه‌ دروشمى مردن بۆ ئه‌مه‌ریكا به‌رز ده‌كه‌نه‌وه‌؛ ئیدانه‌ كرد و رایگه‌یاند: كه‌ به‌ لابردنى سزاكانى سه‌ر ئێران؛ سه‌دان ملیاردۆلار ده‌كه‌وێته‌ ده‌ست ئێران كه‌ به‌و پاره‌یه‌ ده‌زگاى تیرۆرى خۆى نان ده‌دات.