دوێنێ سێشه‌ممه‌ باراك ئۆباما سه‌رۆكی ویلایه‌ته‌ یه‌كگرتووه‌كانی ئه‌مریكا رایگه‌یاند به‌هۆی مه‌رجه‌كانی بنیامین نه‌ته‌نیاهۆ سه‌رۆك وه‌زیرانی ئیسرائیل بۆ چوونه‌ ناو پرۆسه‌ی دیپلۆماسی كه‌ ده‌كرێت ده‌وڵه‌تی فه‌له‌ستینی لێ دروست بكرێت، ره‌نگه‌ متمانه‌ی ئیسرائیل جێی گومان بێت.

ئۆباما له‌میانه‌ی دیدارێكدا له‌گه‌ڵ كه‌ناڵی ته‌له‌فزیۆنی دووی ئیسرائیل وتیشی، هه‌ڵوێستی نه‌ته‌نیاهۆ هۆشداری و مه‌رجی زۆری تێدایه‌ به‌شێوه‌یه‌ك كه‌وا ده‌كات بیركردنه‌وه‌ له‌وه‌ی كه‌ ئه‌م مه‌رجانه‌ ده‌كرێت له‌ داهاتوویه‌كی نزیكدا جێبه‌جێ بكرێن، شتێكی ناواقیعی بێت. بۆیه‌ به‌وته‌ی ئۆباما مه‌ترسییه‌كه‌ له‌وه‌دایه‌ كه‌ ره‌نگه‌ ئیسرائیل به‌گشتی متمانه‌ له‌ده‌ستبدات.

ماوه‌ی نزیكه‌ی ساڵێكه‌ به‌تایبه‌ت دوای چڕبوونه‌وه‌ی دانوستانه‌كانی وڵاته‌ زلهێزه‌كان سه‌باره‌ت دۆسیه‌ ئه‌تۆمییه‌كه‌ی ئێران، په‌یوه‌ندیی نێوان واشنتۆن و ته‌ل ئه‌بیب تاڕاده‌یه‌ك تێكچووه‌.



















خه‌ندان