له‌ گۆره‌پانی سوور له‌ مۆسكۆ گه‌وره‌ترین نمایشی سه‌ربازی له‌ مێژوودا به‌بۆنه‌ی یادی حه‌فتا ساڵه‌ی سه‌ركه‌وتن به‌ سه‌ر نازییه‌كان له‌ جه‌نگ به‌رێوه‌ چوو . له‌و نمایشه‌دا نزیكه‌ی سی سه‌ركرده‌ و زیاتر له‌ چل به‌رپرسی بیانی ئاماده‌ی بوون له‌وانه‌ سه‌رۆكه‌كانی چین و هیند و كۆماری باشووری ئه‌فریكا و ڤیه‌تنام و میسر و زیمبابوی و كوبا و مه‌كدۆنیا و مه‌نگۆلیا و فه‌له‌ستین و سلۆفاكیا و بوسنه‌و هه‌رسك و ئه‌بخازیا و ئۆسیتیای باشوور و قوبرس و سربیا و چیك و وه‌زیرانی ده‌ره‌وه‌ی ئیتالیا و فه‌ره‌نسا جگه‌ له‌ سكرتێری گشتی نه‌ته‌وه‌ یه‌كگرتوه‌كان و به‌ریوه‌به‌ری گشتی یۆنسكۆ. له‌ رێوره‌سمه‌كه‌دا سكرتێری رۆژنامه‌وانی دیمیتری بیسكۆف سه‌رۆكی روسیا رایگه‌یاند به‌هۆی قه‌ره‌باڵغی خشته‌ی كاره‌كان سه‌ركرده‌كانی بیلاروس و ئه‌لمانیا چه‌ند وڵاتێكی دیكه‌ به‌شداری چالاكیه‌كانیان نه‌كرد .

سه‌رۆكی كۆریای باكوور بریاریدا به‌هۆی سه‌رقاڵی به‌كاروباری ناوه‌خۆی وڵاته‌كه‌ی ئاماده‌ی رێوره‌سمه‌كه‌ نابێت . له‌و رێوره‌سمه‌ سه‌ربازییه‌ له‌ مۆسكۆ نزیكه‌ی شازده‌ هه‌زار سه‌ربازی سه‌دو نه‌وه‌ت پارچه‌ی جه‌نگی و سه‌دو په‌نجا فرۆكه‌و هه‌لیكۆپته‌ر به‌شداری ده‌كه‌ن جگه‌ له‌ مووشه‌كی یارس بیست و چوار و زریپۆش و ئۆتۆمبێلی دیكه‌ی سه‌ربازی ، هه‌روه‌ها چه‌ند وڵاتێكی دیكه‌ی دراوسێ به‌شداری نمایشه‌ سه‌ربازییه‌ ده‌كه‌ن به‌ چه‌كه‌ سه‌ربازییه‌كانه‌وه‌ وه‌ك ئازربایجان و ئه‌رمینیا و بیلاروس و كازاخستان و قرغیزیا و تاجاكستان و هیند و مه‌نگۆلیا و سرب و چین . بریاریشه‌ ڤلادیمێر پۆتین سه‌رۆكی روسیا له‌ میانه‌ی نمایشه‌كه‌دا داوای خوله‌كێك وه‌ستان بكات بۆ گیانی قوربانی ئه‌م جه‌نگه‌ نیشتیمانیه‌ .